ငပလီ: Difference between revisions
Ounghlathein (talk | contribs) ငပလီ |
(No difference)
|
Latest revision as of 23:11, 22 November 2018
မြန်မာနိုင်ငံတွင် အထင်ရှားဆုံးနှင့် သက်တမ်းအရှည်ဆုံးသော ပင်လယ်ကမ်းခြေ အပန်းဖြေစခန်း ဖြစ်သည်း သံတွဲမြို့မှ အနောက်ဘက် ကားမိုင်လေးမိုင် ဝေးသည်။
ကမ်းခြေသည် ငါးမိုင်မျှ ရှည်လျားသည်။ ကမ်းခြေအနီးတွင် တောင်ကုန်း တောင်ပူစာများ၊ ကမ်းခြေတစ်လျောက်တွင် စိမ်းလန်းစိုပြေသော အုန်းပင်များ၊ ကမ်းခြေသဲသောင်ပြင်တွင် ခရုခွံသဲရွရွများရှိခြင်း၊ ကမ်းဦးရေတိမ်ပြေပြစ်ခြင်း၊ ငမန်းလိပ်ကျောက်စသော အန္တရာယ်ကောင်များ ကင်းရှင်းခြင်း၊ ပင်လယ်ရေပြင်သည် ကြည်လင်နေခြင်းတို့ကြောင့် ထင်ရှားသည်။
အစည်ကားဆုံးအချိန်မှာ သင်္ကြန်ကာလ ရပ်ဝေးဧည့်သည် များလာကြ၍ ဖြစ်သည်။
အင်္ဂလိပ်ခေတ်က ဥရောပသား အရာရှိများ အပန်းဖြေခဲ့ပြီး ဥရောပရှိ နေပလီကမ်းခြေနှင့် တူသောကြောင့် အမည်တွင်သည်ဟူ၏။ မြောက်ဘက်တွင်ကပ်လျက် မဇင်လေဆိပ် ရှိသည်။ အထက်တန်းကျောင်းနှင့် ရဲစခန်းတို့ ရှိသည်။
ကိုးကား
၁။ ရခိုင်သုတအဘိဓာန် - အောင်လှသိန်း (၂၀၁၅)