ရခိုင်သုတအဘိဓာန်

ရခိုင်သုတအဘိဓာန်စာအုပ်ကို ရခိုင်သမိုင်းသုတေသီ ဦးအောင်လှသိန်း ရေးသားပြီး ၁၉၉၇ ခုနှစ်တွင် ထုတ်ဝေသည်။ ပထမအကြိမ် ထုတ်ဝေစဉ်က ရခိုင်သမိုင်းနှင့် ဗဟုသုတ အချက်အလက် ၅၀၀ ကျော်ပါဝင်သည်။ အချက်အလက်များကို က မှ အ အထိ အက္ခရာစဉ်အလိုက် စီထားသည်။ အချက်အလက်များ ထပ်မံဖြည့်စွက်ပြီး ၂၀၁၅ ခုနှစ် မေလတွင် ဒုတိယအကြိမ် ထုတ်ဝေသည်။ ဒုတိယမူ၌ စာမျက်နှာ ၄၀၀၊ အကြောင်းအရာ ၁၄၀၀ ကျော်ပါဝင်သည်။

ဒုတိယပုံနှိပ်မူ၌ "ယခုတစ်ကြိမ်တွင် မူလစာအုပ်ကို အခြေခံကာ အချက်အလက်များကို ချဲ့ခြင်း၊ ကောင်းနိုးရာရာများကို ထပ်မံဖြည့်စွက်ခြင်းများကို ပြုလုပ်ထားပါသည်။ ဗဟုသုတ လိုက်စားသူများအဖို့ အားမလိုအားမရ ဖြစ်နေပါမည်။ သို့လင့်ကစား ဤစာအုပ်သည် သာမန်စာဖတ်သူတို့အတွက် ရခိုင်သုတများကို ပွားများနိုင်သည် ဆိုလျှင်ပင် ပြုစုရကျိုးနပ်ပြီဟု ဆိုရပါချိမ့်မည်" ဟု စာရေးသူ၏ အမှာစာတွင် ဖော်ပြထားသည်။