View source for လေးမြို့မြစ်

ရခိုင်ပြည်နယ်တွင် ဒုတိယအရေးကြီးဆုံးသောမြစ် ဖြစ်သည်။ ချင်းပြည်နယ်ရှိ [[ရိုးမတောင်]]တန်းကြီး၏ ဘာဘူကလန်၊ အထရောတောင်တို့မှ မြစ်ဖျားခံ၍ စီးဆင်းသည်။ စုစုပေါင်း ၁၀၄ မိုင်မျှရှည်လျားပြီး [[စစ်တွေမြို့]]အနီး [[ကုလားတန်မြစ်]]ဝနှင့် ပေါင်းဆုံကာ [[ဘင်္ဂလားပင်လယ်အော်ထဲ]]သို့ စီးဝင်သည်။ 

မြေနုမြစ်ဝှမ်းသည် မိုင် ၆၀ မျှရှိသည်။ မြစ်ဝှမ်း၏ မြောက်ဘက်ပိုင်းတွင် ဥယျာဉ်ခြံမြေစိုက်ပျိုးခြင်းများ ထွန်းကားသည်။ မြစ်ညာ၌ ရေဖမ်းနယ်ကျယ်သည်။ အကြေအရပ်၌ နှစ်စဉ်ရေလွှမ်းမှုဖြစ်၍ မြစ်ကြောင်း ပြောင်းလဲမှု မြန်ဆန်သည်၊ မြစ်ရေလည်း တိမ်သည်။ 

[[ပန်းမြောင်း]]အထက်ပိုင်းကို [[လေးမြို့ချောင်း]]၊ [[မင်းပြား]]အနီးကို [[ရာမောင်မြစ်]]၊ ယင်းအောက်ပိုင်းကို ညောင်ခြေတောက်မြစ်၊ ကျွဲကူးမြစ်စသည်ဖြင့် အသီးသီး ခေါ်သည်။ ပင်လယ်သို့ထွက်သည့် မြစ်ချောင်းများစွာ ရှိလာသည်။ အဓိကအားဖြင့် မင်းကြောင်းချောင်း၊ ဆင်ခုံးတိုင်မြစ်၊ ပေါက်ဆိန်ကျမြစ်၊ ကင်းချောင်းမြစ်ဟူ၍ ရှိသည်။ 		

လေးမြို့မြစ်ကို ပါဠိအမည်အားဖြင့် [[အဥ္စနနဒီ]]မြစ်ဟု တွင်သည်။ ရခိုင်အမည် လေးမြို့မြစ်မှာ ၁၄၃၀-ပြည့်နှစ်မတိုင်မီက ဤကမ်းမြစ်ဝှမ်းတွင် မြို့တော်ကြီးလေးမြို့ အစီအရီ ပေါ်ပေါက်ခဲ့၍ အနွတ္တသညာ တွင်လာခြင်းဖြစ်သည်။

== ကိုးကား ==
၁။ [[ရခိုင်သုတအဘိဓာန်]] - [[အောင်လှသိန်း]] (၂၀၁၅)