လေးရှင်းတောင်မီးပြ
Revision as of 16:31, 29 October 2024 by Ounghlathein (talk | contribs)
လေးရှင်းတောင်မီးပြသည် မြန်မာ့ပင်လယ်ပြင်၏ အစောဆုံးမီးပြများထဲမှ တစ်ခုဖြစ်ပြီး ၁၈၄၄ ခုနှစ်က စတင်တည်ကာ ၁၉၅၆ ခုနှစ်အထိ အသုံးပြုခဲ့သည်။ အမြင့် ၁၃၈ ပေ ရှိသည်။ ယခင်က မီးပြအလင်းရောင်ကို ၁၄ မိုင်ထိ မြင်နိုင်ခဲ့သည်။ နောက်ပိုင်း ရေတိုက်စားမှု အန္တရာယ်ကြောင့် ရပ်ဆိုင်းပြီး ၎င်းအစား စစ်တွေမီးပြကို ပြန်လည်အသုံးပြုလာသည်။
လေးရှင်းတောင်မီးပြသည် ကုလားတန်မြစ်ဝတွင် စစ်တွေမြို့မှ တောင်ဘက် နှစ်မိုင်အကွာ ကျောက်ထူသောကျွန်းတွင် တည်ရှိသည်။ ဤကျွန်းကို အင်္ဂလိပ်လို Savage Island ဟုခေါ်၏။ ကျွန်းအရှေ့ဘက်တွင် မြေငူကျွန်း ရှိသည်။ ဤမီးပြဟောင်းသည် စစ်တွေအဝင် ရေလမ်းသင်္ကေတအဖြစ် ဆက်လက် တည်ရှိနေဆဲဖြစ်သည်။
ဆက်စပ်ဖတ်ရှုရန်
ကိုးကား
၁။ ရခိုင်သုတအဘိဓာန် - အောင်လှသိန်း (၂၀၁၅)
၂။ နှစ်ရာကျော်က ဗြိတိသျှလက်ရာ လေးရှင်းတောင် မီးပြတိုက်- BBC News မြန်မာ