Difference between revisions of "မောင်ခိုင်အောင်"
(→ကိုးကား) |
|||
| Line 14: | Line 14: | ||
== နိုင်ငံရေး == | == နိုင်ငံရေး == | ||
| + | |||
ကျောင်းသားလှုပ်ရှားမှုဖြင့် ၁၉၆၉ ခုနှစ်တွင် ၂ နှစ် ကျောင်းထုတ်ခံရသည်။ ၁၉၇၅ ခုနှစ်တွင် နိုင်ငံရေးလှုပ်ရှားမှုဖြင့် စစ်ခုံရုံးမှ ထောင်ဒဏ် ၉ နှစ် ချမှတ်ခဲ့သည်။ ထောင်က လွတ်မြောက်လာပြီးနောက် ၁၉၈၈ ခုနှစ် အရေးတော်ပုံကြီးတွင် စစ်ခုံရုံးဖြင့် ထောင်ဒဏ် ၁၄ နှစ် ပြစ်ဒဏ်ပေးခံခဲ့ရသည်။ | ကျောင်းသားလှုပ်ရှားမှုဖြင့် ၁၉၆၉ ခုနှစ်တွင် ၂ နှစ် ကျောင်းထုတ်ခံရသည်။ ၁၉၇၅ ခုနှစ်တွင် နိုင်ငံရေးလှုပ်ရှားမှုဖြင့် စစ်ခုံရုံးမှ ထောင်ဒဏ် ၉ နှစ် ချမှတ်ခဲ့သည်။ ထောင်က လွတ်မြောက်လာပြီးနောက် ၁၉၈၈ ခုနှစ် အရေးတော်ပုံကြီးတွင် စစ်ခုံရုံးဖြင့် ထောင်ဒဏ် ၁၄ နှစ် ပြစ်ဒဏ်ပေးခံခဲ့ရသည်။ | ||
| Line 27: | Line 28: | ||
== စာပေ == | == စာပေ == | ||
| + | |||
၁၉၇၀ လွန်နှစ်များတွင် တက္ကသိုလ်နယ်မြေ၏ မြေအောက် ကျောင်းသားလှုပ်ရှားမှုများ၊ ခေတ်ပေါ်ကဗျာလှုပ်ရှားမှုတို့တွင် ထဲထဲဝင်ဝင် ပါဝင်လှုပ်ရှားခဲ့သည်။ ကလောင်အမည်မှာ မောင်ခိုင်အောင်(စစ်တွေ)၊ မောင်ခိုင်အောင်တို့ကို သုံးစွဲခဲ့သည်။ ခေတ်ပေါ်ကဗျာနှင့် ဝတ္ထုတို၊ ရသစာတမ်းငယ်ရေးသားရာတို့တွင် အထူးထင်ရှားသည်။ | ၁၉၇၀ လွန်နှစ်များတွင် တက္ကသိုလ်နယ်မြေ၏ မြေအောက် ကျောင်းသားလှုပ်ရှားမှုများ၊ ခေတ်ပေါ်ကဗျာလှုပ်ရှားမှုတို့တွင် ထဲထဲဝင်ဝင် ပါဝင်လှုပ်ရှားခဲ့သည်။ ကလောင်အမည်မှာ မောင်ခိုင်အောင်(စစ်တွေ)၊ မောင်ခိုင်အောင်တို့ကို သုံးစွဲခဲ့သည်။ ခေတ်ပေါ်ကဗျာနှင့် ဝတ္ထုတို၊ ရသစာတမ်းငယ်ရေးသားရာတို့တွင် အထူးထင်ရှားသည်။ | ||
| Line 35: | Line 37: | ||
== ရေးသားထုတ်ဝေခဲ့သော စာအုပ်များ == | == ရေးသားထုတ်ဝေခဲ့သော စာအုပ်များ == | ||
| + | |||
၁။ [[အမင်]] (၂၀၀၈) | ၁။ [[အမင်]] (၂၀၀၈) | ||
Revision as of 20:26, 23 October 2024
ယခုဆောင်းပါးပါ အချက်အလက်များကို စိစစ်အတည်ပြုရန် လိုအပ်ဆဲဖြစ်ပါသည်။
Contents
မောင်ခိုင်အောင် (ခ) ဦးဦးလှစော
စာရေးဆရာ၊ ကဗျာဆရာ မောင်ခိုင်အောင်၏ အမည်ရင်းမှာ ဦးဦးလှစောဖြစ်သည်။ ဖခင် ဦးအောင်လှဇံ၊ မိခင်ဒေါ်စံသာဖြူတို့မှ ၁၉၅၃ ခုနှစ် မေလ ၂၇ ရက် (၁၃၁၅ ခု ကဆုန်လပြည့်နေ) တွင် မွေးဖွားခဲ့သည့် သားကြီး ဖြစ်သည်။
ငယ်စဉ်က စစ်တွေမြို့ ရူပရွာ မူလတန်းကျောင်းမှ စစ်တွေခရိုင် စတုတ္ထတန်း စကောလားရှစ် ပထမဆုကို ရရှိခဲ့သည်။ ဒသမတန်းတွင် သင်္ချာဘာသာရပ်ကို အမှတ် ၁၀၀ အပြည့် ရွှေတံဆိပ်ဆုကို ရရှိခဲ့သည့်အပြင် ဆယ်တန်းကို ဂုဏ်ထူးသုံးဘာသာဖြင့် ထူးချွန်စွာအောင်မြင်ခဲ့သည်။ ရန်ကုန်မြို့ RIT ကျောင်းကို တက်ရောက်ခွင့်ရရှိခဲ့သည်။ နိုင်ငံရေးတွင် ပါဝင်လှုပ်ရှားခဲ့မှုကြောင့် တက္ကသိုလ်ကျောင်းပညာကို ဆုံးခန်းတိုင်အောင် မသင်ယူခဲ့ရဘဲ ကျောင်းထွက်လိုက်ရသည်။
ဇနီးအမည်မှာ ဒေါ်အနွဲ့ချေ ဖြစ်သည်။ သမီးနှစ်ဦးရှိပြီး ချိုဉာဏ်ဝေ၊ ဆောင်းနှင်းဝေတို့ ဖြစ်သည်။
နိုင်ငံရေး
ကျောင်းသားလှုပ်ရှားမှုဖြင့် ၁၉၆၉ ခုနှစ်တွင် ၂ နှစ် ကျောင်းထုတ်ခံရသည်။ ၁၉၇၅ ခုနှစ်တွင် နိုင်ငံရေးလှုပ်ရှားမှုဖြင့် စစ်ခုံရုံးမှ ထောင်ဒဏ် ၉ နှစ် ချမှတ်ခဲ့သည်။ ထောင်က လွတ်မြောက်လာပြီးနောက် ၁၉၈၈ ခုနှစ် အရေးတော်ပုံကြီးတွင် စစ်ခုံရုံးဖြင့် ထောင်ဒဏ် ၁၄ နှစ် ပြစ်ဒဏ်ပေးခံခဲ့ရသည်။
၁၉၉၀ ခုနှစ် ကာလတွင် ရခိုင်ဒီမိုကရေစီအဖွဲ့ချုပ်(ALD)တွင် တာဝန်ထမ်းဆောင်ခဲ့သည်။ စစ်အစိုးရမှ ALD ပါတီကို တရားမဝင် ပါတီအဖြစ် ကြေညာပြီး ပါတီဖျက်သိမ်းလိုက်ရသောအခါ ပြင်ပကျူရှင်ဆရာအဖြစ် ဘဝကို ဖြတ်သန်းခဲ့သည်။
၂၀၁၀ ခုနှစ် မြန်မာ့နိုင်ငံရေးအပြောင်းအရွေ့တွင် ရခိုင်တိုင်းရင်းသားများတိုးတက်ရေးပါတီ (RNDP) ကို တည်ထောင်ပြီး အထွေထွေအတွင်းရေးမှူးရာထူးကို ထမ်းဆောင်ခဲ့သည်။ သို့သော်လည်း ရွေးကောက်ပွဲမဝင်ဘဲ RNDP ပါတီကို အဓိက ထိန်းကျောင်းခဲ့သည်။
၂၀၁၃ ခုနှစ်တွင် ရခိုင်တိုင်းရင်းသားများတိုးတက်ရေးပါတီ RNDP နှင့် ALD ပါတီ ပူးပေါင်းရေးအတွက် အဓိက ဦးဆောင်သူဖြစ်ခဲ့သည်။ ၂၀၁၄ ခုနှစ် ဧပြီလတွင် ကျင်းပပြုလုပ်ခဲ့သည့် ရခိုင့်အမျိုးသားညီလာခံ(ကျောက်ဖြူ)ကို အဓိက ဦးဆောင်သူအဖြစ် ပါဝင်ခဲ့သည်။
၂၀၁၅ ခုနှစ် ဒုတိယအကြိမ်မြောက် ရွေးကောက်ပွဲတွင် ရခိုင်အမျိုးသားပါတီ ANP ၏ မြောက်ဦးမြို့နယ်၊ ပြည်သူ့လွှတ်တော်ကိုယ်စားလှယ်အဖြစ် ပါဝင် ရွေးချယ်ခံခဲ့သည်။
ဦးဦးလှစောသည် ၂၀၂၂ ခုနှစ် ဖေဖော်ဝါရီလ ၁၂ ရက်နေ့က နေပြည်တော်တွင် ကျင်းပသည့် စိန်ရတုပြည်ထောင်စုနေ့အခမ်းအနားသို့ ရက္ခိုင့်တပ်တော် (AA) ၏ နိုင်ငံရေးအဖွဲ့အစည်း တစ်ခုဖြစ်သည့် ရက္ခိုင်အမျိုးသားအဖွဲ့ချုပ် (ULA) ၏ နိုင်ငံရေးမှူးအဖြစ် ကိုယ်စားပြု တက်ရောက်ခဲ့သည်ကိုတွေ့ရသည်။ ULA ကို ကိုယ်စားပြု၍ ယခုကဲ့သို့ တက်ရောက်ခြင်းသည် ပါတီကို အသိပေးဆောင်ရွက်ခြင်း မဟုတ်ကြောင်း ထိုစဉ်က ANP ပါတီဥက္ကဌ ဦးသာထွန်းလှက ဖေဖော်ဝါရီလ ၁၅ ရက်နေ့တွင် ဖြေကြားခဲ့ကြောင်း Eleven News သတင်းတစ်ရပ်တွင် ဖော်ပြခဲ့သည်။
စာပေ
၁၉၇၀ လွန်နှစ်များတွင် တက္ကသိုလ်နယ်မြေ၏ မြေအောက် ကျောင်းသားလှုပ်ရှားမှုများ၊ ခေတ်ပေါ်ကဗျာလှုပ်ရှားမှုတို့တွင် ထဲထဲဝင်ဝင် ပါဝင်လှုပ်ရှားခဲ့သည်။ ကလောင်အမည်မှာ မောင်ခိုင်အောင်(စစ်တွေ)၊ မောင်ခိုင်အောင်တို့ကို သုံးစွဲခဲ့သည်။ ခေတ်ပေါ်ကဗျာနှင့် ဝတ္ထုတို၊ ရသစာတမ်းငယ်ရေးသားရာတို့တွင် အထူးထင်ရှားသည်။
စစ်မှုတက္ကသိုလ် ဝတ္တုတိုဆု၊ မိုးမိုးအင်းလျား အမှတ်တရ ဝတ္ထုတို ပထမဆု တို့ကို ရှိခဲ့သည်။ ရခိုင်တန်ဆောင် ရခိုင်ရိုးမနှင့် လခြမ်းမြီမဂ္ဂဇင်းတို့တွင် အယ်ဒီတာအဖြစ် တာဝန်ယူခဲ့သည်။ ဖယ်ဒရယ်ဂျာနယ်တွင် အယ်ဒီတာအဖြစ် တာဝန်ယူဆောင်ရွက်ခဲ့သည်။ တခြားစာရေးဆရာများနှင့် စုပေါင်းစာအုပ် အများအပြားကိုလည်း ထုတ်ဝေထားပြီးဖြစ်သည်။
မောင်ခိုင်အောင်၏ `ကျောင်း´ ကဗျာစာအုပ်တွင် `အမေက သူ့ချွေးမကို တိုးတိုးလေးပြောဖူးတယ်။ သူ့သားဟာ မာနကြီး၊ ရန်လိုတယ်တဲ့။ ဖိနှိပ်သူတွေ ဖောက်ပြန်ရေးသမားတွေကို မုန်းတယ်။ အဘိဓမ္မာဟောင်း စနစ်ဟောင်း ယန္ထရားဟောင်းကို မုန်းတယ်။ ရန်လိုခဲ့တယ်။ အဟောင်းကို ရန်လိုရင်း မိမိကိုယ်တိုင် ဟောင်းနွမ်းလာခဲ့လေပြီလား။ ရန်လိုခဲ့တယ်။ ဘဝကို လောင်းကစားခဲ့တယ်။ အိပ်မက်နဲ့ ပျော်မွေ့ခဲ့တယ်။ ကဗျာဆရာဆိုတာ အိပ်မက်တပွေ့တပိုက်နဲ့ ဝဋ်ထိတဲ့ လောင်းကစားသမား။ ရှုံးဖို့ နိုင်ဖို့ထက် အိမ်မက်အရေးကြီးတယ် ထို့ကြောင့် ကဗျာဆရာဟု ခေါ်သည်။ ကျေးဇူးပြု၍ မှတ်တမ်းတင်ပေးပါ´ဟု ရေးသားခဲ့သည်။
ရေးသားထုတ်ဝေခဲ့သော စာအုပ်များ
၁။ အမင် (၂၀၀၈)
၃။ မြောက်ဦးနှင့် မြောက်ဦးဗေဒ ရသစာတမ်းများ
၄။ ကျောင်း
၇။ စံသာဖြူ အောင်လှဇံ (မြောက်ဦးဗေဒ ရသစာတမ်းများ)
၉။ အင်ဒိုနီးရှား သက်တံရောင်စဉ်ကောင်းကင်သစ် (အခြားစာရေးဆရာများနှင့် ပူးတွဲ)
၁၀။ အမေရိကန် - တရုတ် ဆက်ဆံရေး (အခြားစာရေးဆရာများနှင့် ပူးတွဲ)
၁၁။ မျက်မှောက် ရခိုင်ပြည်မြောက်ပိုင်းအရေး (အခြားစာရေးဆရာများနှင့် ပူးတွဲ)
၁၂။ နှစ် ၁၀၀ ပြည့်အကြို မြန်မာဝတ္ထုတိုများ (အတွဲ ၂) (အခြားစာရေးဆရာများနှင့် ပူးတွဲ)
၁၃။ ၂၀၂၀ ကနေ ကျွန်ုပ်တို့ ဘယ်ကိုသွားကြမလဲ(အခြားစာရေးဆရာများနှင့် ပူးတွဲ)
၁၄။ ရောင်စုံကျေးလက် ဝတ္ထု ၁၂ ပုဒ် (အခြားစာရေးဆရာများနှင့် ပူးတွဲ)
၁၅။ The Waves မဂ္ဂဇင်းအတွဲများ (အခြားစာရေးဆရာများနှင့် ပူးတွဲ)
ကိုးကား
၁။ စာရေးဆရာဝေဟင်အောင် ရေးသားသော ဦးဦးလှစောအကြောင်း
၂။ အွန်လိုင်းသတင်းဆောင်းပါးများ
၃။ ဦးဦးလှစော၏ ရေးသားချက်များ